OUDTSHOORN NUUS - Die ses mense wat sedert gisteraand in Meiringspoort
vasgekeer was, is vanoggend deur die Metro-nooddienste se
Skymed-helikopter opgepik.
Die vloedskade aan Meiringspoort is op plekke ernstig en die poort bly
onbepaald gesluit, waarskynlik vir die duur van die naweek aangesien
skade aan die padoppervlak aangerig is.
Alhoewel al die vasgekeerdes nou veilig is, is daar nog drie
vragmotoers, vier motors, ‘n bakkie, ‘n polisievoertuig en ‘n ambulans
wat nog nie uit die poort gebring kan word nie.
DRINGENDE WAARSKUWING
Inwoners en boere onder die Stompdrifdam en langs die Olifantsrivier
word gewaarsku van moontlike vloedwaters wat nog in die rivier kan afkom.
- Oudtshoorn Courant
